Joshua - Chapter 12

Verse 1: Lawa angamakhosi ezwe anqotshwa ngabantwana bakwa-Israyeli, belidla izwe lawo ngaphesheya kweJordani ngasempumalanga, kusukela esigodini sase-Arinoni kuze kube sentabeni yaseHermoni, nalo lonke i-Araba ngasempumalanga:

Verse 2: uSihoni inkosi yama-Amori owayehlala eHeshiboni, ebusa kusukela e-Aroweri eliseceleni kwesigodi sase-Arinoni, naphakathi nesigodi, nenxenye yakwaGileyadi, kuze kube semfuleni iJaboki, umkhawulo wabantwana bakwa-Amoni,

Verse 3: ne-Araba kuze kufike elwandle lwaseKinereti ngasempumalanga, kuze kube seLwandle lwase-Araba, uLwandle Lukasawoti, ngasempumalanga endleleni eya eBeti Jeshimoti nangaseningizimu ngaphansi kwemithambeka yasePisiga;

Verse 4: futhi izwe lika-Ogi inkosi yaseBashani, owensali yamaRefa, owahlala e-Ashitaroti nase-Edireyi,

Verse 5: ebusa entabeni yaseHermoni, naseSaleka, nakulo lonke iBashani kuze kube semkhawulweni wamaGeshuri nowamaMahakhati, nenxenye yakwaGileyadi, umkhawulo kaSihoni inkosi yaseHeshiboni.

Verse 6: UMose inceku kaJehova nabantwana bakwa-Israyeli babebabulele; uMose inceku kaJehova wabanika lona abakwaRubeni, nabakwaGadi, nenxenye yesizwe sakwaManase, laba yifa labo.

Verse 7: Lawa angamakhosi ezwe anqotshwa nguJoshuwa nangabantwana bakwa-Israyeli ngaphesheya kweJordani ngasentshonalanga, kusukela eBali Gadi esigodini saseLebanoni kuze kufike entabeni yaseHalaki eyenyukela eSeyiri, uJoshuwa walinika izizwe zakwa-Israyeli libe yifa ngokwezabelo zabo

Verse 8: ezintabeni, nasemathafeni, nase-Araba, nasemithambekeni, nasehlane, naseningizimu: amaHeti, nama-Amori, namaKhanani, namaPherizi, namaHivi, namaJebusi:

Verse 9: inkosi yaseJeriko: inye; inkosi yase-Ayi elingaseceleni kweBethele: inye;

Verse 10: inkosi yaseJerusalema: inye; inkosi yaseHebroni: inye;

Verse 11: inkosi yaseJarimuthi: inye; inkosi yaseLakishi: inye;

Verse 12: inkosi yase-Egiloni: inye; inkosi yaseGezeri: inye;

Verse 13: inkosi yaseDebiri: inye; inkosi yaseGederi: inye;

Verse 14: inkosi yaseHorma: inye; inkosi yase-Aradi: inye;

Verse 15: inkosi yaseLibina; inye; inkosi yase-Adulamu: inye;

Verse 16: inkosi yaseMakheda: inye; inkosi yaseBethele: inye;

Verse 17: inkosi yaseTaphuwa: inye; inkosi yaseHeferi: inye;

Verse 18: inkosi yase-Afeki: inye; inkosi yaseLasharoni: inye;

Verse 19: inkosi yaseMadoni: inye; inkosi yaseHasori: inye;

Verse 20: inkosi yaseShimroni Meroni: inye; inkosi yase-Akishafu: inye;

Verse 21: inkosi yase Thahanaki: inye; inkosi yaseMegido: inye;

Verse 22: inkosi yaseKedeshi: inye; inkosi yaseJokineyamu eKarmeli: inye;

Verse 23: inkosi yaseDori egqumeni laseDori: inye; inkosi yaseGoyimi eGiligali: inye;

Verse 24: inkosi yaseTirisa: inye; onke amakhosi ayengamashumi amathathu nanye.