Verse 1: Lezi ziyizizukulwane zamadodana kaNowa: ngoShemi, noHamu, noJafete; bazalelwa amadodana emva kukazamcolo.
Verse 2: Amadodana kaJafete: ngoGomere, noMagoge, noMadayi, noJavani, noThubali, noMesheke, noTirase.
Verse 3: Amadodana kaGomere: ngo-Ashikenaze, noRifate, noThogarma.
Verse 4: Amadodana kaJavani: ngo-Elisha, noTharishishi, noKitimi, noDodanimi.
Verse 5: Kuvela kulabo iziqhingi zabezizwe zahlukaniselwa amazwe abo, kwaba yilelo nalelo ngolimi lwalo, nangemindeni yalo, nangezizwe zalo.
Verse 6: Amadodana kaHamu: ngoKushe, noMisirayimi, noPhuthi, noKhanani.
Verse 7: Amadodana kaKushe: ngoSeba, noHavila, noSabita, noRama, noSabitheka. Amadodana kaRama: ngoSheba noDedani.
Verse 8: UKushe wazala uNimrode; yena waqala ukuba ngonamandla emhlabeni.
Verse 9: Wayeyiphisi elinamandla ebusweni bukaJehova; ngalokho kuthiwa: “Iphisi elinamandla njengoNimrode ebusweni bukaJehova.”
Verse 10: Ukubusa kwakhe kwaqala eBabele, nase-Ereke, nase-Akade, naseKaline, ezweni laseShineyari.
Verse 11: Waphuma kulelo zwe, waya e-Asiriya, wakha iNineve, neRehoboti-Ire, neKhala,
Verse 12: neResene phakathi kweNineve neKhala; lo ungumuzi omkhulu.
Verse 13: UMisirayimi wazala amaLudi, nama-Anami, namaLehabi, namaNafetuhi,
Verse 14: namaPatrusi, namaKasuluhi, lapho kwavela khona amaFilisti namaKafitori.
Verse 15: UKhanani wazala uSidoni, izibulo lakhe, noHeti,
Verse 16: namaJebusi, nama-Amori, namaGirigashi,
Verse 17: namaHivi, nama-Arki, namaSini,
Verse 18: nama-Arvadi, namaSemari, namaHamati; ngasemuva imindeni yamaKhanani yahlakazeka.
Verse 19: Umkhawulo wamaKhanani wawususukela eSidoni, waya ngaseGerari waze wafika eGaza; waya ngaseSodoma naseGomora nase-Adima naseSeboyimi waze wafika eLasha.
Verse 20: Labo babe ngamadodana kaHamu ngemindeni yawo nangezilimi zawo emazweni awo nasezizweni zawo.
Verse 21: NoShemi uyise wabantwana bonke baka-Ebere, umnewabo omkhulu kaJafete, wazala abantwana.
Verse 22: Amadodana kaShemi: ngo-Elamu, no-Ashuri, no-Arapakishade, noLude, no-Aramu.
Verse 23: Amadodana ka-Aramu: ngo-Use, noHule, noGeteri, noMashe.
Verse 24: U-Arpakishade wazala uShela; uShela wazala u-Ebere.
Verse 25: U-Ebere wazala amadodana amabili; igama lomunye lalinguPhelege, ngokuba emihleni yakhe izwe ladatshulwa. Igama lomfowabo lalinguJokothane.
Verse 26: UJokothane wazala o-Alimodade, noShelefe, noHasaramavete, noJere,
Verse 27: noHadoramu, no-Uzali, noDikila,
Verse 28: no-Obale, no-Abimayele, noSheba,
Verse 29: no-Ofiri, noHavila, noJababi; bonke laba babengamadodana kaJokothane.
Verse 30: Ukwakha kwabo kwasukela eMesha kwaze kwafika ngaseSefare, intaba yasempumalanga.
Verse 31: Laba babe ngamadodana kaShemi ngemindeni yawo nangezilimi zawo, emazweni awo nasezizweni zawo.
Verse 32: Lezi ziyimindeni yamadodana kaNowa ngezizukulwane zawo ezizweni zawo; ngalawo izizwe zahlakazeka emhlabeni emva kukazamcolo.