Verse 1: Iwayini liyisideleli, uphuzo olunamandla lungumxokozeli; bonke abaduka ngalo abahlakaniphile.
Verse 2: Ingebhe ngenkosi injengokubhonga kwengonyama; oyithukuthelisayo wona umphefumulo wakhe.
Verse 3: Kuludumo kumuntu ukuhlala kude nokuxabana, kepha zonke iziwula ziyaphikisana.
Verse 4: Ngenxa yobusika ivila aliyikulima; ngalokho uyakuthekela ngesikhathi sokuvuna, kungekho lutho.
Verse 5: Isiluleko enhliziyweni yomuntu sinjengamanzi ajulileyo, kepha umuntu oqondileyo uyakusikhipha.
Verse 6: Abantu abaningi bayamemezela, kube yilowo nalowo umusa wakhe, kepha ngubani ongafumana umuntu othembekileyo na?
Verse 7: Olungileyo ohamba ekupheleleni kwakhe, babusisiwe abantwana bakhe emva kwakhe.
Verse 8: Inkosi ehlezi esihlalweni sokwahlulela ihlakaza konke okubi ngamehlo ayo.
Verse 9: Ngubani ongasho ukuthi: “Ngihlanzile inhliziyo yami, sengihlambulukile ezonweni zami, na?”
Verse 10: Izisindo ezimbili nama-efa amabili, kokubili kuyisinengiso kuJehova.
Verse 11: Naye umntwana uyaziwa ngezenzo zakhe, uma isenzo sakhe sihlanzekile, noma siqotho.
Verse 12: Indlebe ezwayo neso elibonayo, uJehova wenzile kokubili.
Verse 13: Ungathandi ubuthongo, funa ufikelwe ngubumpofu; vula amehlo akho, uyakusutha ngesinkwa.
Verse 14: “Kubi, kubi,” kusho umthengi; kepha esehambile uyazigabisa.
Verse 15: Kukhona igolide namarubi amaningi, kepha ukwazi kwezindebe kuyigugu elinqabileyo.
Verse 16: Thatha ingubo yoyisibambiso somfokazi, umbambe abe yisibambiso omela abezizwe.
Verse 17: Isinkwa samanga simnandi kumuntu, kepha ngasemuva umlomo wakhe uyakugcwaliswa ngohlalwane.
Verse 18: Amacebo onke ayaqiniswa ngokululekana; yilwa impi ngamasu.
Verse 19: Ohamba encetheza uyambula izimfihlakalo; ngalokho ungahlangani naye ovula kakhulu umlomo wakhe.
Verse 20: Oqalekisa uyise nonina, isibani sakhe siyakucimeka esigayegayeni.
Verse 21: Imfuyo ingatholwa ngokushesha ekuqaleni, kepha ukuphela kwayo akuyikubusiswa.
Verse 22: Ungasho ukuthi: “Ngiyakuphindisela okubi,” yethemba kuJehova, uyakukusindisa.
Verse 23: Izisindo ezimbili ziyisinengiso kuJehova, nesilinganiso senkohliso asilungile.
Verse 24: Izinyathelo zomuntu zingezikaJehova; pho, umuntu angaqonda kanjani indlela yakhe na?
Verse 25: Kulugibe ukusho ngamawala ukuthi: “Kungcwele,” abesebuya acabange emva kwezithembiso zakhe.
Verse 26: Inkosi ehlakaniphileyo iyahlakaza ababi, iphindisele phezu kwabo ukushinga kwabo.
Verse 27: Umoya womuntu uyisibani sikaJehova, siphenya konke okuphakathi komuntu.
Verse 28: Umusa neqiniso kuyalonda inkosi; isihlalo sayo sobukhosi sisekelwa ngomusa.
Verse 29: Udumo lwabasha lungamandla abo, nesivunulo sabadala singubumpunga.
Verse 30: Imivimbo elimazayo ihlanza ububi, nezishayo okuphakathi komuntu.