Proverbs - Chapter 9

Verse 1: Ukuhlakanipha kwakhile indlu yakho; kuzibazile izinsika zakho eziyisikhombisa.

Verse 2: Kuhlabile umhlatshelo, kuvubele iwayini lakho; futhi kulungisile itafula lakho.

Verse 3: Kuthumile izintombi zakho, kuyamema emagqumeni aphakemeyo omuzi, kuthi:

Verse 4: “Ongenalwazi makaphambukele lapha,” kongenangqondo kuthi:

Verse 5: “Wozani nidle isinkwa sami, niliphuze iwayini engilivubeleyo.

Verse 6: Yekani ubuwula, niphile, nihambe ngendlela yokuqonda.

Verse 7: “Osola isideleli uzithathela inhlamba; othethisa omubi uzitholela isisihla.

Verse 8: Ungathethisi isideleli, funa sikuzonde; thethisa isihlakaniphi, siyakukuthanda.

Verse 9: Siphe isihlakaniphi, siyakwanda ngokuhlakanipha; fundisa olungileyo, uyakwenezela emfundweni.

Verse 10: “Ukuqala kokuhlakanipha kungukumesaba uJehova, nokumazi oNgcwele kungukuqonda.

Verse 11: Ngokuba ngami izinsuku zakho ziyakuba ziningi, neminyaka yokuphila kwakho iyakwenezelwa kuwe.

Verse 12: Uma uhlakaniphile, uzihlakaniphele; uma udelela, uyakukuthwala wena wedwa.”

Verse 13: Ubuwula bungowesifazane oyisithutha onomsindo, ongazi lutho.

Verse 14: Uhlezi ngasemnyango wendlu yakhe esihlalweni ezindaweni eziphakemeyo zomuzi

Verse 15: ukuba ameme abadlula endleleni, abaqonda emikhondweni yabo, ngokuthi:

Verse 16: “Ongenalwazi makaphambukele lapha,” kongenangqondo uthi:

Verse 17: “Amanzi ebiweyo amnandi, nesinkwa sentukuso singesenamisayo.”

Verse 18: Kepha akazi ukuthi kuyizithunzi ezilapho nokuthi izimenywa zakhe zisezigodini zendawo yabafileyo.