Verse 1: Wayesephendula uJobe, wathi:
Verse 2: “Nanamuhla ukukhala kwami kumunyu; isandla sami siyasinda ngokububula kwami.
Verse 3: Sengathi ngingazi ukuthi ngiyakumtholaphi, ngize ngifike endlini yakhe,
Verse 4: ngilungise ukwahlulelwa kwami phambi kwakhe, ngigcwalise umlomo wami ngezimpendulo.
Verse 5: Bengiyakuwazi amazwi abeyakungiphendula ngawo, ngiqonde ukuthi ubeyakuthini kimi.
Verse 6: Ubeyakuphikisana nami ngamandla akhe amakhulu na? Cha, ubeyakubhekisa kimi.
Verse 7: Lapho olungileyo ubeyakuphikisana naye, mina ngikhululwe kumahluleli wami kuze kube phakade.
Verse 8: Kodwa bheka, ngiya empumalanga, kepha akakho, nasentshonalanga, kepha angimboni,
Verse 9: nangasenyakatho ekusebenzeni kwakhe, kepha akabonwa; ujikela ngaseningizimu, kepha akabonakali.
Verse 10: Ngokuba uyayazi indlela yami; esengivivinyile, ngiyakuphuma njengegolide.
Verse 11: Unyawo lwami lunamathele ezinyathelweni zakhe; ngigcinile indlela yakhe, angiphambukanga.
Verse 12: Angichezukanga emyalweni wezindebe zakhe; ngizibekele amazwi akhe kunezimiso zami.
Verse 13: “Kodwa uyinto inye, ngubani ongambuyisa na? Okufisayo umphefumulo wakhe, lokho uyakwenza.
Verse 14: Uyakufeza engikumiselweyo; izinto eziningi ezinjalo zikuye.
Verse 15: Ngalokho ngishaywa luvalo ebusweni bakhe; lapho ngikuqaphela, ngiyamesaba.
Verse 16: NguNkulunkulu odangalisileyo inhliziyo yami, uSomandla ungethusile,
Verse 17: ngokuba anginqunywanga, bungakafiki ubumnyama; wangifihlela ukuhlwa.