Verse 1: Kumholi wokuhlabelela. NgeSheminiti. Ihubo likaDavide. Siza, Jehova, ngokuba owesaba uNkulunkulu akasekho, ngokuba banyamalele abathembekileyo kubantwana babantu.
Verse 2: Bakhuluma amanga, kwaba yilowo nalowo kumakhelwane wakhe; ngezindebe ezithophayo bakhuluma nganhliziyombili.
Verse 3: UJehova uyakunquma zonke izindebe ezithophayo, ulimi olukhuluma amazwi amakhulu,
Verse 4: abathi: “Siyakunqoba ngolimi lwethu; izindebe zethu zinathi; ngubani oyinkosi phezu kwethu na?”
Verse 5: “Ngenxa yokubandezeka kwabahluphekileyo nangokububula kwabampofu ngizakuvuka kalokhu,” usho uJehova, “ngimbeke ekusindisweni akulangazelelayo.”
Verse 6: Amazwi kaJehova angamazwi ahlanzekileyo, anjengesiliva elihlanjululwe esithandweni emhlabathini, lihlanjululwe kasikhombisa.
Verse 7: Wena Jehova uyakubagcina, ubavikele kulesi sizukulwane kuze kube phakade.
Verse 8: Abangamesabi uNkulunkulu bayashanguza nxazonke, lapho amanyala ephakeme kubantwana babantu.