Verse 1: Kumholi wokuhlabelela. Ihubo likaDavide. Ngikhulule, Jehova, kumuntu omubi, ngilondoloze kumuntu oyisidlwangudlwangu.
Verse 2: Baceba okubi enhliziyweni yabo; izinsuku zonke baviva impi.
Verse 3: Bayalola ulimi lwabo njengenyoka; isihlungu samabululu siphansi kwezindebe zabo. Sela
Verse 4: Ngilondoloze ezandleni zomubi, ngilinde kumuntu oyisidlwangudlwangu, oceba ukukhuba izinyawo zami.
Verse 5: Abazidlayo bangifihlela ugibe; ngezintambo bendlala inetha; eceleni kwendlela bangibekela izihibe. Sela
Verse 6: Ngathi kuJehova: �UnguNkulunkulu wami wena.� Yizwa, Jehova, izwi lokunxusa kwami.
Verse 7: Jehova Nkosi yami, mandla ensindiso yami, uvikela ikhanda lami ngosuku lokulwa.
Verse 8: Ungazivumeli, Jehova, izifiso zababi; ungaphumelelisi amacebo abo, funa baziphakamise. Sela
Verse 9: Maqondana nesihlungu sabangizungezayo mabambozwe ngububi bomlomo wabo.
Verse 10: Amalahle ashisayo mawawele phezu kwabo; mabaphonswe emlilweni nasemigodini ejulileyo, bangabe besavuka.
Verse 11: Umuntu wamanga makangamiswa emhlabeni; ububi mabuzingele umuntu oyisidlwangudlwangu, abhujiswe.
Verse 12: Ngiyazi ukuthi uJehova uyakumela udaba lohluphekayo nokufaneleyo kwabampofu.
Verse 13: Impela abalungileyo bayakubonga igama lakho; abaqotho bayakuhlala ebusweni bakho.