Verse 1: Kumholi wokuhlabelela. NgeGititi. Ihubo likaDavide. Jehova Nkosi yethu, igama lakho liyababazeka kangaka emhlabeni wonke! wena owabeka inkazimulo yakho ezulwini.
Verse 2: Ngomlomo wezingane nowabancelayo wagxilisa amandla ngenxa yabamelene nawe ukuba uthulise isitha nophindisayo.
Verse 3: Lapha ngibuka izulu lakho, umsebenzi weminwe yakho, inyanga nezinkanyezi ozimisileyo,
Verse 4: umuntu uyini ukuba umkhumbule, nendodana yomuntu ukuba uyinake na?
Verse 5: Wamenza waba ngaphansana kukaNkulunkulu, wamqhelisa ngenkazimulo nangobukhosi.
Verse 6: Wamenza abe ngumbusi phezu kwemisebenzi yezandla zakho; konke wakubeka phansi kwezinyawo zakhe:
Verse 7: izimvu, nezinkomo zonke, yebo, nezilwane zasendle,
Verse 8: nezinyoni zezulu, nezinhlanzi zolwandle, nakho konke okuhamba ezindleleni zolwandle.
Verse 9: Jehova Nkosi yethu, igama lakho liyababazeka kangaka emhlabeni wonke!