Verse 1: Ihubo. Mhubeleni uJehova igama elisha, ngokuba wenze izimangaliso; esokunene sakhe nengalo yakhe engcwele kumtholele ukunqoba.
Verse 2: UJehova wazisile insindiso yakhe; ukulunga kwakhe ukwambulile emehlweni abezizwe.
Verse 3: Ukhumbulile umusa wakhe nokuthembeka kwakhe kuyo indlu ka-Israyeli; imikhawulo yonke yomhlaba ibonile insindiso kaNkulunkulu wethu.
Verse 4: Hlokomani kuJehova ngezwi lokuhalalisa, nihlabelele ngenjabulo, nihube.
Verse 5: Mhubeleni uJehova ngehabhu, ngehabhu nangezwi lehubo.
Verse 6: Ngamacilongo nangokukhala komtshingo hlokomani ngezwi lokuhalalisa phambi kweNkosi uJehova.
Verse 7: Maludume ulwandle nokugcwala kwalo, izwe nabakhileyo kulo.
Verse 8: Imifula mayishaye ihlombe, izintaba zihalalise kanyekanye
Verse 9: ebusweni bukaJehova, ngokuba uyeza ukwahlulela umhlaba. Uyakwahlulela izwe ngokulunga nezizwe ngobuqotho.