Verse 1: Kumholi wokuhlabelela. ElikaDavide. Isiwula sithi enhliziyweni yaso: “Akakho uNkulunkulu.” Yonakele, iyanengeka imisebenzi yabo; akakho owenza okuhle.
Verse 2: UJehova uyabuka esezulwini abantwana babantu ukucinga ukuba ukhona yini oqondayo, ofuna uNkulunkulu.
Verse 3: Baphambukile bonke, bonakele bonke; akakho owenza okuhle, akakho noyedwa.
Verse 4: Abaqondi lutho yini bonke abenza okubi, abadla abantu bami, njengokuba bedla isinkwa, bangakhuleki kuJehova, na?
Verse 5: Khona besaba nokwesaba, ngokuba uNkulunkulu ukuso isizukulwane sabalungileyo.
Verse 6: Icebo lohluphekileyo niyalijabhisa, kepha uJehova uyisiphephelo sakhe.
Verse 7: Sengathi ukusindiswa kuka-Israyeli kungavela eSiyoni. Mhla uJehova ebuyisa ukuthunjwa kwabantu bakhe uJakobe uyakwethaba, u-Israyeli ajabule.