Verse 1: Kungani ukuba abezizwe baxokozele, nabantu bazindle ngokuyize na?
Verse 2: Amakhosi omhlaba ayazihlanganisa, nababusi baceba icebo ngoJehova nangogcotshiweyo wakhe ngokuthi:
Verse 3: “Masigqabule izibopho zabo, silahle izintambo zabo, zisuke kithina.”
Verse 4: Yena ohlezi ezulwini uyahleka, iNkosi iyabadelela.
Verse 5: Ibisikhuluma kubo ngentukuthelo yayo, ibethuse ngolaka lwayo, ithi:
Verse 6: “Nokho ngibekile iNkosi yami eSiyoni, intaba yami engcwele.”
Verse 7: Ngizakulanda ngesinqumo: uJehova wathi kimi: “Uyindodana yami wena; namuhla ngikuzele.
Verse 8: Cela kimi, ngikunike abezizwe babe yifa lakho, nemikhawulo yomhlaba ibe yimfuyo yakho.
Verse 9: Uzakubaphula ngentonga yensimbi, ubaphahlaze njengesitsha sombumbi.”
Verse 10: Ngakho hlakaniphani nina makhosi; yalekani nina bahluleli bomhlaba.
Verse 11: Mkhonzeni uJehova ngokwesaba, nethabe ngokuthuthumela.
Verse 12: Yangeni indodana, ingaze ithukuthele, nibhubhe endleleni, ngokuba ulaka lwayo luyakuvutha masinyane. Babusisiwe bonke abaphephela kuyo.