Verse 1: Ngasemifuleni yaseBabele sahlala khona, sakhala, lapho sikhumbula iSiyoni.
Verse 2: Amahabhu ethu sawaphanyeka eminyezaneni ephakathi kwalo.
Verse 3: Ngokuba abasithumbileyo bacela ukuba sihlabelele igama, nabahluphi bethu bafuna injabulo, bethi: “Sihlabeleleni elinye lamagama aseSiyoni.”
Verse 4: Siyakuhlabelela kanjani ihubo likaJehova kwelinye izwe na?
Verse 5: Uma ngikhohlwa wena Jerusalema, masizikhohlwe isandla sami sokunene.
Verse 6: Ulimi lwami malunamathele olwangeni lwami, uma ngingakukhumbuli, uma ngingaphakamisi iJerusalema phezu kwentokozo yami enkulu.
Verse 7: Khumbula, Jehova, usuku lweJerusalema, ngenxa yabantwana bakwa-Edomi abathi: “Dilizani, dilizani, kuze kube sesisekelweni salo.”
Verse 8: Ndodakazi yaseBabele, wena oyakubhujiswa, ubusisiwe oyakuphindisela kuwe izenzo zakho owazenza kithina.
Verse 9: Ubusisiwe oyakubamba abancane bakho, abaphahlaze edwaleni.