Verse 1: Ihubo likaDavide. Mnikeni uJehova, nina madodana kaNkulunkulu, mnikeni uJehova udumo namandla.
Verse 2: Mnikeni uJehova udumo lwegama lakhe, nikhuleke kuJehova emvunulweni engcwele.
Verse 3: Izwi likaJehova liphezu kwamanzi, uNkulunkulu wenkazimulo uyaduma; uJehova uphezu kwamanzi amakhulu.
Verse 4: Izwi likaJehova linamandla; izwi likaJehova linenkazimulo.
Verse 5: Izwi likaJehova liyaphula imisedari; uJehova waphula imisedari yaseLebanoni.
Verse 6: ILebanoni ulitshekulisisa okwenkonyane, neSiriyoni njengethole lenyathi.
Verse 7: Izwi likaJehova lidabula amalangabi omlilo.
Verse 8: Izwi likaJehova lizamazamisa ihlane; uJehova uzamazamisa ihlane laseKadeshi.
Verse 9: Izwi likaJehova liphunzisa izimbabala; lihluba amahlathi; nasethempelini lakhe konke kuthi: “Udumo!”
Verse 10: UJehova wayehlezi ebusa phezu kukazamcolo; uJehova uhlezi eyinkosi kuze kube phakade.
Verse 11: UJehova uzakunika abantu bakhe amandla; uJehova uzakubusisa abantu bakhe ngokuthula.