Verse 1: Wozani simhubele uJehova, sihlabelele ngenjabulo kulo idwala lensindiso yethu.
Verse 2: Masize phambi kobuso bakhe ngokubonga, sihlabelele kuye ngamahubo.
Verse 3: Ngokuba uJehova unguNkulunkulu omkhulu, uyinkosi enkulu phezu kwawonkulunkulu bonke.
Verse 4: Esandleni sakhe kukhona ukujula komhlaba; iziqongo zezintaba ngezakhe nazo.
Verse 5: Ulwandle ngolwakhe, walwenza; nomhlabathi owomileyo izandla zakhe zawubumba.
Verse 6: Wozani; masikhuleke, sikhothame, siguqe phambi kukaJehova, uMenzi wethu.
Verse 7: Ngokuba yena unguNkulunkulu wethu, thina singabantu bedlelo lakhe nezimvu zesandla sakhe. Namuhla, uma nilizwa izwi lakhe,
Verse 8: ningayenzi lukhuni inhliziyo yenu njengaseMeriba, njengasosukwini lwaseMasa ehlane,
Verse 9: lapho oyihlo bangilinga khona, bangivivinya, babona umsebenzi wami.
Verse 10: Iminyaka engamashumi amane nganengwa yileso sizukulwane, ngaze ngathi: “Bangabantu abanhliziyo zabo zidukile, abazazanga izindlela zami,”
Verse 11: engafunga ngabo olakeni lwami, ngathi: “Abasoze bangena ekuphumuleni kwami.”